Shqiptarët e Ukrainës i ngrenë këngë Edi Ramës

Vajtja në Ukrainë e kryeministrit Rama, nuk ka kaluar pa jehonë në mediat botërore.

Sidomos ecja e tij në mes të dëborës, takimi me separatistët e Donbasit, ka mahnitur Evropën mbarë, e cila deri tani ishte mësuar që këtë punë e bënte ndonjë ambasador në pension.

Thuhet se takoi edhe Putinin, por si modest që është nuk e ka përmendur.

Shqiptarët e Ukrainës, një minoritet i vogël që jeton aty, janë frymëzuar dhe i kanë ngritur këngë.

Ja çfarë thotë ajo:

Ti për topa e borë s’pyete/

S’pyete për topat hata/

Vajte brenda në Donbas/

Dhe ktheve për marshallah/

O kryetar i qeverisë/

O lezeti i këtij vendi/

Merre dhe Lulin me vete/

T’i japesh vlerë muhabetit/

Shkoni takoni Putinin/

Thoini si është puna/

Ta lëre rehat Ukrainën/

Se nuk ha ariu miza/

Në të kthyer bëj zahmet/

Ndalu dhe nga Erdogani/

E ke bab e të ka evlat/

Prezantoi edhe abin/

Këto punë të kam rixha/

Mbylli shpejt, se u dogj vendi/

Me ty e me Lulin larg/

S’ka lezet as muhabeti/

Pastaj shko bitis reformën/

Që me gaz e mall po presin/

Se sado që të përpiqet/

S’e mbars dot Damiani Oertin/