Vuçiqi nesër në New York takon Pompeon, “ka të ngjarë të flasin për Kosovën”
Presidenti i Serbisë, Aleksandar Vuçiq do të takohet nesër në Nju Jork me sekretarin amerikan të shtetit, Mike Pompeo.
Sipas mediave serbe, takimi do të ndodhë në margjinat e një takimi të Këshillit të Sigurimit të Kombeve të Bashkuara për Lindjen e Mesme, përcjell ksp.
Kjo u postua në faqen e internetit të Departamentit të Shtetit, ku u shtua se Pompeo do të takohej edhe me sekretarin e Përgjithshëm të OKB, Antonio Guterres.
Sipas mediave serbe, takimi mes Pompeot dhe Vuçiqit “ka të ngjarë të jetë rreth situatës në Kosovë”.
