Maqedoni e Veriut: 40 të vdekur dhe 591 raste të reja me COVID-19

Sot në Maqedoninë e Veriut është regjistruar përsëri rekord i zi në numrin e vdekjeve dhe në përqindjen e rasteve pozitive.

Siç mëson Alsat-M, sot kanë ndërruar jetë 40 persona si pasojë e infektimit me COVID-19, që është numri më i madh që nga fillimi i pandemisë.

Gjithashtu, sot janë kryer 1683 testime, nga të cilat 591 persona kanë rezultuar pozitiv me COVID-19, që nënkupton 53 përqind e të testuarve janë pozitiv. Kjo është shifra më e lartë që nga fillimi i pandemisë.