Opozita serbe protestë para televizionit shtetëror: RTS po fsheh të vërtetën për aferat e Vuçiq

Opozita serbe protestoi para radiotelevizionit serb, duke bllokuar të gjitha hyrjet. Dhjetëra protestues kërkuan dorëheqjen e drejtorit të televizionit shtetëror duke e akuzuar se nuk e bën punën siç duhet, pasi nuk publikon aferat e presidentit Vuçiq

Ata i akuzojnë zyrtarët e lartë të shtetit për trafik droge dhe armësh.

Vucic ose demokracia. Kjo është porosia e opozitës serbe për Bashkimin Evropian. Këta protestues janë nisur drejt hyrjeve të transmetuesit public të Serbisë.

Afera të ndryshme nxjerr opozita dhe kërkojnë shkarkimin e drejtuesëve të televizionit serb. Që nga tregtia me armë e deri tek tregtia me drogë është akuzuar presidenti serb. Opozita thotë se këtu më nuk ka liri.

“Radio Televizioni i Serbisë nuk e bënë punën e tij dhe nuk informon publikun për ato që ndodhin në këtë vend. Nuk mund të më thonë që qytetarët nuk janë të interesuar për aferat e pushtetit“, tha Vuk Jeremiç i Lidhja për Serbinë.

Tensionet në Serbi u ngritën kur për tregti me armë u akuzua i ati i ministrit të brendshëm, Nebojsha Stefanovic, se favorizohej dhe bënte trëgëti më armë më disa shtete ndër të cilat edhe ato arabe. Ministri mohoi bashkë me gjithë politikën këtë gjë.

Opozita serbe thotë se do të bojkotoj zgjedhjet në rast se nuk ka ndryshime dhe liri në media. Në këtë mes është kërkuar ndërhyrja ndërkombëtare dhe negociatat me një pjesë kanë filluar.

Në udhëtim zyrtar, Tanja Fajon, eurodeputetja sllovene ka mision të afroj palët që duken të pamundura.

Presidenti Vucic dhe partia e tij bënë thirrje që vetëm opozita të ftohet në media. Ai tha se Serbia megjithatë do t’ia dalë pa dhunë kësaj radhe.

“Nuk do të përdorim asnjë dhunë, përfshirë edhe atë që e lejon ligji. Nuk besoj se një numër i vogël mund të sfidojë sigurinë pasi Serbia është një vend demokratik”, tha presidenti i Serbisë Aleksandër Vuçiç.

Shtypi serb dhe ekranet televizive filluan të shfaqnin figura që rrallë janë parë-përfaqësuesit e opozitës sërish nëpër emisione, por ata thonë se kjo nuk mjafton pasi është vonë për ta kthyer lirinë që zgjedhjet e pranverës të jenë të lira./